وسط البلد....... رمسيس .....وشارع الفجالة......بينما اقف علي عربة الفول الحبيبة اتناول طبق الفول المتين بالزيت الحار وبجانبه قرنين فلفل حراق.....وطبق سلطة ملوث....رائع........علي عربة الفول تجد كل المصريين
فهذا مندوب شركة ادوية ترك عربته ونزل .....وهذا سائق ميكروباز ركن الميكروباز .......و هذا موظف ترك عمله الساعة 11-ده اذا كان راح اصلا-........الشقاء علي الكل والقرف يتغمدنا جميعا........هل من مفر؟
-هو مش خلاص وافقوا عالدستور
سألني جاري العجوز وهو يضرب رغيفي العيش ببعضهما البعض كعادة فرعونية من ايام دقيق-رع
نظرت له ....رأيته يحمل مظروف كبير من الواضح ان فيه اشعات مقطعية.......بادي علي قسمات وجهه الانهاك الشديد وكأنه تائه منذ مولده.....
-اه يا حج وافقوا خلاص
-يعني هاعرف اعالج الواد ببلاش
-ماله يا حج خير ان شاء الله
-يا ابني انا ابني عنده 20 سنة من بعد ما خلص الدبلوم جاله المرض الوحش في المخ......رحت بيه المستشفي بتاعت مجرى العيون.......-يقصد 57357-.....قالولي دي بتاعت عيال بس....مع اني و الله اتبرعت فيها من عشر سنين بالعشرة جنيه اللي كانت في جيبي لما كانوا بيبنوها.....القصد رحت بيه علي معهد السرطان من سنتين لقيته اتهد قبلها بيومين وقالولنا مفيش مكان .....لولا تمرجي ابن حلال وصفلنا عيادة دكنور جوه المعهد ورحناله عيادته ورانا هنا ...واشار لي بيده الي مكان مبهم تأكيدا لكلامه....بعد مادفعنا الكشف اللي كان ميت جنيه ادانا ورقة دخلونا بيها المعهد.......واهو كل اسبوعين لازم اجي ادفع الكشف عشان يكملوا علاج الواد في المعهد.......انا يا ابني تعبت وده الواد الحيلة علي اربع بنات انا خلاص بخلص كل اللي حيلتي..... ومكسوف اقول لحد من قرايبي اديني ....كل واحد عنده همه اللي مكفيه.........انا نزلت قلت نعم علي الدستور مخصوص عشان ابني واللي زيه يتعالج ببلاش من غير ما اروح ابوس ايد حد ولا ادفع لحد اتاوة لدكتور كل شوية........مش هما الناس بتوع الاخوان قالوا هنتعالج ببلاش
-اه يا حج قالوا......
-طب خلاص انا هاروح للريس هو قال انا بابي مفتوح........
-اه يا حج هو قال بس بلاش النهاردة عشان بيقفلوا خميس وجمعة
-ههههههههههههه.......الله يحظك يا ابني انت فاكرني هاروح بجد ....يا ابني انا خارج موجه علم نفس بالتربية والتعليم.....ميغركش منظري دلوقتي.......لولا الخمس سنين اللي رحتهم اعارة الجزاير لا كنت عرفت اجوز البنات ولا اصرف علي علاج الواد لحد دلوقتي .........لمؤاخذة يا ابني دوشتك معايا............بس اعذرني بفضفض معاك من غلبي
-ولايهمك ياحج خد راحتك ........الهم واحد والقرف مشترك
-انت عارف يا ابني الواحد بقي عامل زي التور المتغمي اللي بيلف ليل نهار في ساقية........المصيبة ان الساقية مابطلعش مية
هو الكريم بيشتغل ايه........
تناولت بيدي كوز الماء من فوق العربة وانا ابلع اخر قطعة من رغيفي الثاني ....وقلت
-انا........الله يعز مقامك يا حج ........تور
فهذا مندوب شركة ادوية ترك عربته ونزل .....وهذا سائق ميكروباز ركن الميكروباز .......و هذا موظف ترك عمله الساعة 11-ده اذا كان راح اصلا-........الشقاء علي الكل والقرف يتغمدنا جميعا........هل من مفر؟
-هو مش خلاص وافقوا عالدستور
سألني جاري العجوز وهو يضرب رغيفي العيش ببعضهما البعض كعادة فرعونية من ايام دقيق-رع
نظرت له ....رأيته يحمل مظروف كبير من الواضح ان فيه اشعات مقطعية.......بادي علي قسمات وجهه الانهاك الشديد وكأنه تائه منذ مولده.....
-اه يا حج وافقوا خلاص
-يعني هاعرف اعالج الواد ببلاش
-ماله يا حج خير ان شاء الله
-يا ابني انا ابني عنده 20 سنة من بعد ما خلص الدبلوم جاله المرض الوحش في المخ......رحت بيه المستشفي بتاعت مجرى العيون.......-يقصد 57357-.....قالولي دي بتاعت عيال بس....مع اني و الله اتبرعت فيها من عشر سنين بالعشرة جنيه اللي كانت في جيبي لما كانوا بيبنوها.....القصد رحت بيه علي معهد السرطان من سنتين لقيته اتهد قبلها بيومين وقالولنا مفيش مكان .....لولا تمرجي ابن حلال وصفلنا عيادة دكنور جوه المعهد ورحناله عيادته ورانا هنا ...واشار لي بيده الي مكان مبهم تأكيدا لكلامه....بعد مادفعنا الكشف اللي كان ميت جنيه ادانا ورقة دخلونا بيها المعهد.......واهو كل اسبوعين لازم اجي ادفع الكشف عشان يكملوا علاج الواد في المعهد.......انا يا ابني تعبت وده الواد الحيلة علي اربع بنات انا خلاص بخلص كل اللي حيلتي..... ومكسوف اقول لحد من قرايبي اديني ....كل واحد عنده همه اللي مكفيه.........انا نزلت قلت نعم علي الدستور مخصوص عشان ابني واللي زيه يتعالج ببلاش من غير ما اروح ابوس ايد حد ولا ادفع لحد اتاوة لدكتور كل شوية........مش هما الناس بتوع الاخوان قالوا هنتعالج ببلاش
-اه يا حج قالوا......
-طب خلاص انا هاروح للريس هو قال انا بابي مفتوح........
-اه يا حج هو قال بس بلاش النهاردة عشان بيقفلوا خميس وجمعة
-ههههههههههههه.......الله يحظك يا ابني انت فاكرني هاروح بجد ....يا ابني انا خارج موجه علم نفس بالتربية والتعليم.....ميغركش منظري دلوقتي.......لولا الخمس سنين اللي رحتهم اعارة الجزاير لا كنت عرفت اجوز البنات ولا اصرف علي علاج الواد لحد دلوقتي .........لمؤاخذة يا ابني دوشتك معايا............بس اعذرني بفضفض معاك من غلبي
-ولايهمك ياحج خد راحتك ........الهم واحد والقرف مشترك
-انت عارف يا ابني الواحد بقي عامل زي التور المتغمي اللي بيلف ليل نهار في ساقية........المصيبة ان الساقية مابطلعش مية
هو الكريم بيشتغل ايه........
تناولت بيدي كوز الماء من فوق العربة وانا ابلع اخر قطعة من رغيفي الثاني ....وقلت
-انا........الله يعز مقامك يا حج ........تور
