سنة 1996 كان في صحفي امريكي اسمه جاري ويب في صحيفة درجة تانيه عمل تقرير التحالف الأسود ((Dark Alliance)) فيه شهادات عن ان المخابرات المركزيه الأمريكيه ((CIA)) سهلت نقل كوكايين للولايات المتحده عن طريق التعاون مع الكارتيلات (cartells) ,وهي بمثابة مافيا المخدرات في امريكا الجنوبية و تم بيعه في احياء السود الفقيره لكي تدعم بأموال المخدرات جنرالات المعارضه المسلحه في امريكا الجنوبيه ((La Contra)) ... التقرير الصحفي عمل ضجة و المخابرات انكرت و الصحفي جاري ويب اترفد و اتشرد .... في سنة 1998 و تحت ضغط من الرئيس المدني بل كلينتون و كام سناتور ديموقراطي من اللي مش وطنيين و عملوا استجواب للمخابرات (آه والله استجواب).. تم نشر تقرير مفصل من المخابرات عن عمليات المخدرات دي و طلعت حقيقه و طلع كل كلام جاري ويب ده صحيح ... تمام كده ؟؟ لأ مش تمام ... في نفس الشهر انتشرت فضايح الرئيس كلينتون و سكرتيرته مونيكا لوينسكي و طبعا الاعلام الأمريكي و العالمي نسي تقرير المخدرات و ركز مع بيبو و بشير .. قصدي مونيكا و بيللي .... و بعدها بكام سنة تم العثور على جاري ويب منتحرب ب ((رصاصتين)) في الرأس ... آه و الله منتحر و ب رصاصتين ...لقى نفسه ما ماتش من الأولى قال يتأكد و في الاعاده افاده
ليست هناك تعليقات:
إرسال تعليق